أقرب بقالة من موقعي مفتوحة الحين: كيف تلقاها وتطلب منها بالواتساب

آخر تحديث: 7 نوفمبر 2026

تبي أقرب بقالة لموقعك الحين، وما تبي تدوّر في الخريطة وتتصل على أرقام ما ترد؟ هنا الطريقة الأسرع: تعرف وين البقالات حولك، وأي وحدة أكّد الزباين إنها مفتوحة، وتطلب منها برسالة وحدة.

الطريقة في 3 خطوات

1. افتح أقرب بقالة لموقعي واضغط «📍 وريني أقرب بقالة لموقعي»، واسمح للمتصفح يعرف موقعك.
2. يطلع لك رادار بالبقالات والتموينات حولك: اتجاه كل وحدة ومسافتها، والأقرب أول.
3. اضغط «🛒 اطلب منها» واكتب أغراضك بكلامك، وتوصل البقالة مرتبة على الواتساب. أو اضغط «🧭 الاتجاهات» وتروح لها.

هل البقالة مفتوحة الحين؟

ما نكتب «مفتوح الآن» من عندنا، لأن ساعات البقالات تتغير. بدالها جنب كل بقالة زر «مفتوحة الحين؟»: الزباين اللي راحوا لها يأكدون بضغطة (✅ مفتوحة أو ⛔ مسكّرة)، ونعرض لك آخر تأكيد خلال الساعات الأخيرة. وإذا ما فيه تأكيد، الأحسن ترسل للبقالة قبل ما تروح.

ليش أحسن من البحث في الخرائط؟

• تشوف البقالات الصغيرة والتموينات اللي في حارتك، مو بس الأسواق الكبيرة.
• الطلب يوصل البقالة مكتوب ومرتب، بدل مكالمة ما ترد أو رسالة ناقصة.
• إذا رقم البقالة ما يرد، اضغط «📵 رقمها ما يرد؟» وننبه غيرك.
• مجاني، وبدون تسجيل ولا تحميل تطبيق.

ما لقيت بقالتك القريبة؟

بعض البقالات الصغيرة ما تكون في الدليل للحين. تقدر تضيفها بنفسك من صفحة الطلب: اكتب رقم واتسابها وموقعها، وتظهر لأهل الحي بعد ما يتأكد إنها شغالة. وكذا كل واحد يساعد جيرانه يلقون بقالتهم.

نصايح قبل ما تطلب

• اكتب الكمية والماركة: «2 حليب المراعي لتر» أوضح من «حليب».
• اسأل عن التوصيل والحد الأدنى في نفس الرسالة.
• ادفع للبقالة نفسها عند الاستلام، ولا تحوّل لأي رقم قبل ما تتأكد إنه للبقالة.

ثبّته في جوالك

تقدر تثبّت «أقرب بقالة» على شاشة جوالك مثل التطبيق: أول ما تفتح الصفحة يطلع لك شريط «ثبّت»، أو من قائمة المتصفح اختر «إضافة للشاشة الرئيسية». ويفتح على طول على الرادار.

بقالات حيّك بالاسم

لو تبي تشوف كل بقالات مدينتك مرتبة بالحي، افتح دليل البقالات: فيه أكثر من 9000 بقالة في أكثر من 130 مدينة، مثل بقالات الرياض وبقالات جدة وبقالات مكة. وقبل ما تطلب، شوف أسعار المقاضي عشان تعرف السعر المعقول.

عندك بقالة؟

خلّ زباين الحي يلقونك لما يدوّرون «أقرب بقالة»، ويطلبون منك برسالة مرتبة. سجّل بقالتك في دكاني وطلّع باركود طلبات تلصقه على باب محلك. مجاني بدون مدة ولا بطاقة. والاشتراك الشهري اختياري للمحل اللي بيعه كثير: يشيل الحد الشهري للبيعات والديون الجديدة ويفتح الربط مع هيئة الزكاة (فاتورة — المرحلة الثانية).

مجاني للزبون وبدون تسجيل. البقالة تؤكد الأسعار والتوفر ورسوم التوصيل.

أسئلة شائعة

اقرأ بعد