عن دكّاني

دكّاني (وينكتب كمان دكاني، وبالإنجليزي Dukkani) تطبيق سعودي على الجوال لصاحب البقالة والتموينات: يبيع فيه بالكاشير، ويسجّل ديون زباينه، ويتابع مخزونه، ويطلب بضاعته من تجار الجملة. موقعه الرسمي dukkanlink.com.

وش هو دكّاني؟

البقالة اللي في الحي تشتغل غالبًا بدفتر ورقي وآلة حاسبة. دكّاني يحط هالشغل كله في جوال صاحب المحل: البيعة تنسجل، والدين ينكتب باسم الزبون ويوصله كشف حسابه على الواتساب، وآخر اليوم يعرف كم باع وكم ربح. وكل حركة تنقيد في المحاسبة لحالها (قائمة الدخل بعد المصروفات، المركز المالي، ميزان المراجعة، ومسودة إقرار الضريبة)، ودكّاني مربوط مع هيئة الزكاة (فاتورة — المرحلة الثانية): المحل المسجّل في الضريبة يدخل بياناته مرة وحدة، ودكّاني يتولى الربط ويرسل فواتيره للهيئة تلقائيًا. ويربط الحي كله: الزبون يطلب أغراضه من بقالته، والبقالة تطلب بضاعتها من تاجر الجملة.

لمين دكّاني؟

• صاحب البقالة والتموينات والسوبرماركت: كاشير، دفتر ديون، مخزون، وكشف حساب الزبون.
• أي محل تجزئة ثاني: نفس الكاشير والديون والمخزون والمحاسبة تشتغل لأي محل يبيع بالحبة أو بالكرتون، وتركيزنا الأول البقالات والتموينات.
• تاجر الجملة والمندوب: يستقبل طلبات البقالات ويرتّب توصيلها وفواتيرها.
• الزبون: يكتب أغراضه ويرسلها لبقالته واتساب من صفحة اطلب من بقالتك، أو يدوّر بقالة قريبة في دليل بقالات الأحياء.
• أي شخص: دفتر ديون شخصي لفلوسك عند الناس، وأدوات مجانية مثل حاسبة الضريبة وتفقيط المبالغ ودراسة جدوى البقالة.

كم سعر دكّاني؟

مجانية بدون مدة ولا بطاقة، وكل الأقسام مفتوحة. والاشتراك الشهري اختياري للمحل اللي بيعه كثير: يشيل الحد الشهري للبيعات والديون الجديدة. والاشتراك يندفع من داخل حسابك في التطبيق بس: دكّاني ما يطلب منك تحويل لأي شخص.

يشتغل على وش؟

يفتح من المتصفح على أي جوال (آندرويد أو آيفون) أو كمبيوتر، بدون جهاز كاشير، وتقدر تثبّته على الشاشة الرئيسية مثل أي تطبيق (ما له تطبيق في Google Play ولا App Store: يتثبت من الموقع نفسه). وعلى الكمبيوتر الفاتورة تثبت جنب الأصناف، ويشتغل مع قارئ الباركود وطابعة الإيصالات ودرج الكاش. ولو انقطع النت يكمل البيع عادي، والعمليات تنرسل لحالها أول ما يرجع الاتصال. ويشتغل بالعربي وEnglish واردو وবাংলা، عشان العامل يشتغل بلغته.

من ورا دكّاني؟

دكّاني مشروع سعودي مسجّل بوثيقة عمل حر رقم FL-175193993 صادرة من وزارة الموارد البشرية والتنمية الاجتماعية. البيانات محفوظة بحسب سياسة الخصوصية، والاستخدام بحسب الشروط.

الاسم والحسابات الرسمية

الاسم من «الدكّان»، محل الحارة اللي يعرفك وتعرفه، و«دكّاني» يعني محلي أنا. حساباتنا الرسمية كلها باسم @dukkanlink: تيك توك وسناب شات ويوتيوب. وأي موقع أو تطبيق أو متجر ثاني باسم قريب من «دكاني» مو تابع لنا؛ موقعنا الوحيد dukkanlink.com.

تواصل معنا

عندك سؤال؟ دردشة الدعم ترد عليك على طول، أو راسلنا على contact@dukkanlink.com. وخطوات كل شي في التطبيق مشروحة في دليل دكّاني. وتقدر تسأل عن بقالات حيّك من داخل Claude: دكّاني في Claude.